انا شوفت موضوع فى مكان كانت عضوة عملاه وهو كان عباره عن تجمع للبنات اللى نفسهم يتخطبوا
وكانوا بيفضلوا يدعو لبعض بظهر الغيب ويكتبوا اسامهيم
وبعدها العضوة دخلت قالت انها اتخطبت وبعض العضوااااات كمان
ياريت ندخل ندعى لبعض بظهر الغيب ونكتب اسامينا
اول حاجه البنات اللى هتشترك معانا تدخل تكتب اسمها عشان ندعى لبعض
وخليكى فاكره انك كل ما هتدعى لعضوة هتردلك الدعوة من الملايكه
2-كل يوم هتدخلى هنا فيه تدعى للبنات اللى نفسها تجوز واللى نفسها ربنا يرزقها بالذريه عشان تاخدى اكبر عدد ممكن من ثواب الدعوات
3- نحاول ان احنا نقيم الليل يوميا واللى مش هتقدر تعمل كدا يوميا تخصص
ليله الجمعه اساسى انها تقيم الليل فيها لانها من افضل الليالى
هتصحى قبل صلاة الفجر بساعه هتقسميها الساعه دى ازاى
اول ربع ساعه هتستغفرى فيها ربنا عشان ربنا يغفرلك ذنوبك وبتالى يرضى عنك
تانى ربع ساعه هتقرى فيها قرآن
وتالت ربع ساعه هتصلى فيها
مش لازم ورا بعض
بس ركعتين وتريحى وركعتين وتريحى لحد ما الربع ساعه تعدى
والربع ساعه الاخيره تدعى فيها بكل ال نفسك فيه
احسن صيغ الدعاء البدء بحمد الله والثناء عليه ثم بالصلاة على النبي صلى الله عليه وسلم
بعد كدا تدعى بخشوع ولازم يكون عندك ثقه فى ان ربنا هيقبل دعواكى
هقولك كام صيغه اختارى اللى يعجبك وادعى بيه
اللهم انى اسألك بكل اسم هو لك سميت به نفسك او انزلته فى كتابك او علمته احد من خلقك او استأثرت به فى علم الغيب عندك
ان ترزقنى زوجا تقيا نقيا مقيم الصلاه
يخافك ويتقيك فى
اللهم ارزقنى زوجا غنى الدين والمال
حسن الخلق والاخلاق
اللهم ارزقنى زوجا كما احب وخيرا مما احب واسعدنى ولا تشقينى معه يا ارحم الراحمين
اللهم انى عوذ بك من بوارى وتأخر زواجى
اللهم عجل زواجى انا وجميع بنات المسلمين
اللهم اغننى بحلالك عن حرامك واكفنى بفضلك عمن سواك
اللهم انى لما انزلت الى من خيرا فقير
اللهم اجمعنى بمن تحبه وترضاة لى زوجا عاجلا يا ارحم الراحمين
وصلى الله وسلم على سيدنا محمد وعلى اله واصحابه اجمعين
او انك تبتدى الدعاء بــــــــــــــــــــ
اللهم انى اسألك بأسمك الاعظم الذى اذا سئلت به اعطيت واذا دعيت به اجبت
او بـــــــــ
لا اله الا انت يا حنان يامنان يابديع السموات والارض ياذا الجلال والاكرام
وتقولى الدعاء بعدها وبعدين تختمى الدعاء بحمد الله والثناء عليه والصلاة على الرسول عليه الصلاة والسلام
وياريت ياريت يا جماعه خلال الساعه دى تنسى كل حاجه وتخلى تفكيرك كله مع
ربنا وبس يعنى ساعه العباده دى تقرى وتصلى وتدعى وتستغفرى بخشوع
وحاولى اثناء الاستغفار تفتكرى حاجات عمتليها حرام وتستغفرى ربنا عليها
لان الاستغفار مفعوله سحرى بيجلب الرزق وبيفك السحر ان شاء الله
واحنا ذنوبنا كتير والذنوب بتمنع الرزق عشان كدا لازم نستغفر كتير
وحاولى تستغفرى ربنا طول اليوم وانتى قاعده على الكمبيوتر وانتى بتغسلى المواعين وانتى بتروقى وانتى بتعمل اى حاجه استفغرى ربنا كتير
يروى عن لقمان عليه السلام أنه قال لابنه: يا بني، عوِّد لسانك: اللهم اغفر لي، فإن لله ساعات لا يرد فيها سائلاً.
قولى
اللهم انى استغفرك واتوب اليك
اكثرى من قول
ياارحم الراحمين
ليها مفعول سحرى
اللهم ان كان لى ذنب يحول بينك وبين اجابتك لدعائى فأغفره لى فأنه لا يغفر الذنوب الا انت
اكثرى من قول لا حول ولا قوة الا بالله
و لا اله الا انت سبحانك انى كنت من الظالمين
الاذكار يا جماعه مهمه جدا
لما تصحى من النوم قولى اذكار الصباح
وقولى اللهم لك الحمد كما ينبغى لجلال وجهك وعظيم سلطانك تلت مرات
وقبل ما تنامى اقرى المعوذتين تلت مرات والاخلاص تلت مرات وقولى دعاء سيد الاستغفار واية الكرسى
استغفر الله عدد الحركات والسكون استغفر الله عدد ماكان وعدد ما سيكون
ردديها كتير
اللهم اغفر للمؤمنين والمؤمنات الاحياء منهم والاموات
حاولى اى عمل خير بتعمليه تعمليه بنيه الزواج
وياريت تطلعى اى صدقه بنيه الزواج
اخر حاجه يا جماعه لو كلنا نصوم يوم الخميس بنيه ان ربنا يرزقنا بالزوج الصالح وندعى لبعضنا اثناء الفطار و واحنا صايمين
للصائم دعوة لا ترد
مش عايزيين نضيع وقت من عمرنا على الفاضى
اللى عاوزة تشترك معانا تدخل تكتب اسمها
وياريت تنتظم على الخطوات دى
وان شاء الله قريب اوى خلال الشهر دا هنلاقى العريس بيخبط على باب بيتنا وجايب معاه بوكيه ورد
والفرحه تتم ان شاء الله ونعيش فى تبات ونبات ونخلف صبيان وبنات والحياه تبقى لونها بمبى وانا جمبه وهو جمبى
ونقول باباى
للعذوبيه ما خلاص
الأحد مايو 08, 2011 3:07 pm من طرف احمد تجارة