وجهة نظر لمستقبل مصر الإقتصادى

السلام عليكم ورحمة الله وبركاته

طبعا بما أن مصر فتحت المجال للشباب فى إبداء أرائهم فى البلد

فأنا شايف نظام إقتصادى جديد من وجهة نظرى

يختلف عن كل الأنظمة السابقة

فى أيه بقى

عندنا فى مصر كل الأنظمة الإقتصادية بتيجى وتثبت فشلها
الكل بيجرب فينا نظرياته اللى جايبها من برا

يعنى لما نتحول للإشتراكية تلاقى الروتين والرخامة وكل واحد مش عايز يشتغل

هيشتغل ليه ما هوا كدا كدا قابض

ولما نقول رأسمالية نقول يبقى رجال الأعمال هيأكلوا البلد

طيب أنا هقول ليكم من واقع خبرتى ودراستى على نظام جديد وتقولوا رأيكم فيه

النظام الجديد هنخلى مصر كلها دولة مؤسسات

وهنشرحها واحدة واحدة

هنيجى على النيل وهنعمل كبارى ومشاريع

تكلفة الكوبرى 20 مليون مثلا وهنطرح مليون سهم للإكتتاب قيمة السهم 20 جنيه

هتمر سنة و2 ويتعمل الكوبرى طبعا فى رسوم تحصيل الرسوم دى هيا دخل الكوبرى
الأرباح دى مهولة على فكرة

الربح يوزع على حملة الأسهم وهكذا

الحكومة دورها يكون فى إدارة العملية

نعطى مثال ثانى

الدولة هتيجى وتعمل مصنع للغزل والنسيج وهتطرح برده الأسهم للإكتتاب بقيمة
التكلفة الإجمالية للمصنع وكل واحد بيشترى ليه سهم وليه ربح من المصنع

وهكذا فى كل المؤسسات بمفاهيمها الضيقة والواسعة
يعنى بالمفهوم التجارى تحويل جميع الإستثمارات فى البلد لشركات مساهمة

مثال أخير

قرية سياحية تديرها شركة مصرية والقرية انشئت بالكامل
على حساب المصريين من خلال شراء اسهم
فى ملكية القرية

والموضوع دا مفيد جدا لعدة أوجه منها

1_الدولة مش هتتكلف حاجة لأن الدولة مش هتدفع ولا قرش بالإضافة لأن فى
مشاريع كثيرة ممكن تبقى حق إنتفاع لعدد من السنين وبعدها تعود لملكية
الدولة
الخلاصة الدولة هتمتلك إستثمارات بمليارات بدون ما تدفع جنيه

2_كل واحد هيبقى صاحب ملك يا سلام أنا بقى مساهم فى مضارب الأرز بتاعت حلوان
وعندى 500 سهم فى مصنع قنا و 30 سهم فى مراجيح المعادى

3_ دا لو حصل البورصة المصرية هتبقى الأولى عالميا لأن دا هيزيد حركة التداول بالعبيط

4_الإستثمار دا بياخذ أكبر درجة من درجات الأمان لأن الدولة اللى بتحميه
وانتوا عارفين الدولة بتاعتنا لو حبت تحمى منطقة بجد من القلب يبقى مفيش
ذكر هيقدر يتعدى عليها

5_ الأسهم دى مال ملكية يعنى هيبقى قلبك على المشروع ولو
مساهم فى كوبرى على النيل وواحد رمى عليه الزبالة صدقنى
هتحدفه فى النيل

6_هنتدى نحس بجد أننا أصاحب ملك فى البلد ما هيا الكبارى والشركات والبنوك والوزارات ماهية بتاعت الشعب
لكن الشعب مش حاسس بالكلام ده
النظام ده هيحسسه بالكلام ده

مميزات كثيرة جدا حبيت أناقشكم فيها
وفكر إقتصادى جديد بيطرح نفسه

أنتوا بقا رأيكم ايه

كلام جميل جدا
ومضوع مهم يسلموا

ميرسى على مرورك

حلم وياريت يتحقق
تسلمى

ميرسى على مرورك العطر

» وجهة نظر لمستقبل مصر الإقتصادى
» مسرحية وجهة نظر

وجهة نظر لمستقبل مصر الإقتصادى

وجهة نظر لمستقبل مصر الإقتصادى :: تعاليق

وجهة نظر لمستقبل مصر الإقتصادى

مواضيع مماثلة

مواضيع مماثلة