الاخوه الاعزاء مساء الانوار..السلام عليكم جميعا.. انا مش ضيف غريب عليكو ...لكن يسعدنى ان اكون بينكم انهل من ثقافاتكم المتعدده والراقيه لانكم اهل للكلمه الهادفه والوضوح التام. وانتم الاحتياطى الاستراتيجى لمصر واملها المــشرق..... فما رايكم لو
اتكلمنا على شوية حاجات مفيده مع بعض لاننى متاكد ان هنا هيكون التفاعل
اكتر وبالتالى الاستفاده ايضا هتكون اكتر واكتر... الموضوع عباره عن عده اسئله او محاور هنتكلم فيها بما انكم شباب وبنات جامعه ومثقفين.. وبصراحه تهمنا الان كلنا كمصريين . 1-
ايه رايك فى الالغام اللى موجوده من ايام الحرب العالميه التانيه بين
الحلفاء فى منطقة العلمين غرب مطروح وتهدد امننا واهلنا وتستقطع جزءا كبيرا
من الارض...؟ ولماذا الدول التى حاربت بعضها على ارضنا لم تعطنا الخرائط
بالالغام؟؟؟؟ ممكن تبدى بالراى اوتفيدنا ؟ هل هو تقصير مننا ام منهم ام
المجتمع الدولى كله ؟؟مع ابداء رايك حول الموضوع كله..؟؟
2- مساحة الاراضى الصحراويه بدات تذداد فى مصر ..ياترى ايه الاسباب وكيف نعالجها ...؟؟؟
3- مشكله المياه هى الاخطر معنا فى الاعوام القادمه ياترى ايه الاسباب وكيف نعالجها..؟؟؟؟
4- مصر الى اين بعد25 يناير ....؟ ثم الوطن العربى..؟
5-
خطر الدوله الفارسيه ( الايرانيه) وامتدادها المتزايد والعبث بامننا كيف
نتصدى له من وجهة نظرك ؟؟؟ وهل ترى ان هناك خطرا حقيقيا بالفعل ام لا ؟؟
كده يااخوه ممكن نتفاعل ونتكلم فى حاجه تفيد الجميع ...بانتظاركم وانتظار مشاركتكم الاجابيه.....ونبدا اولا بقضيه الالغام ...كل الشكر لكم دمتم افاضل كرام ابناء مصر الغد.... يسعدنى التواجد بينكم....وردودكم وارائكم المفيده والجميله.وبالخير وعلى الخير نلتقى دائما.فى حب مصر..............
الأحد مارس 20, 2011 12:00 am من طرف nana2011