M_A
ادارة المنتدى
 الجنس : 
عدد المساهمات : 4358
نقاط : 82011
الموقع : بلس دريم
العمل/الترفيه : فى المنتدى
 | |  مجرد حلم | |
كنت بحب بنت كانت مش كتير جميله
لكن كانت ماليه عليا حياتى و كل دنيتى
وف يوم عادى خالص اتفاجئت
حبيبتك انخطبت معلش هارد لاك !!!
عريس جاهز و يغرى اى بنت
خلاص يا حبيبى روح مفيش نصيب
إتسحبت ذى اللص ابص عليها يوم الخطوبه
اشوف دا شكله ايه .. تخين بكرش ولا اقرع
قلت نفسى احدف عليهم طوبه
لقيته شاب مبتسم انيق وسيم مالى مكانه
الجيب واقفه مستنيه
السواق يضربله تعظيم سلامه
قلت جوا نفسى إيش جاب لجاب
امشى من هنا يا صعلوك متبصش ع اسيادك تانى
حسيت حياتى ورقه طارت ف الهوا
معدش ليا قيمه طول ما مفيش فلوس
هبقى مش ف المستوى
عريس غنى يخطف قلب و يكسر التانى
كان ساعتها حبيبتى ف احضانه
معلش اصل دا زمانه مش زمانى
قالوا زمان مفيش راجل يعيط
لكنى بكيت بحرقه وقتها
مكنش حد يقدر يتصور
الناس تبصلى و انا ماشى و ببكى
معلش اصله مش بيدى
إستغفرت ربى و قلت لا إله الا الله
فكرت ف نفسى و ف حياتى العمليه و المستقبل
قلت مفيش حب و مفيش اى شئ تانى
سافرت برا بلدى اشتغلت و اتغربت
اتمرمطت و شقيت سنين كتير
عملت فلوس كتير و ربى حمدت و شكرت
رجعت بلدى و نسيت كل الى فات
قلت هابدأ من جديد خلاص فات مات
امى جابتلى عروسه الى هى
جميله و مؤدبه من عيله محترمه
فعلا دى الى اى حد بيتمناها
اتفائلت قلت يمكن دى تكون نصيبى
قلت يمكن ربنا شايلى الاحسن احسن
رحنا لزياره العيله الكريمه
دخلت البيت وقعدنا
البنت جت قعدت وسطينا
ببص ف وشها لقيتها مش سعيده
ذى ما تكون عامله جريمه !
دب فيا شك و حيره غريبه
قلت لازم اعرف فيها ايه المسكينه
قلت يمكن الزمن بيلعب معايا لعبه
حطيتها ف دماغى و مشيت وراها ف يوم
راقبت تحركاتها و فجأه
لقيتها دخلت مطعم
قعدت مع شاب ع وشه نظره مش قادره انساها
انكساره و حزن فكرتنى بموقفى القديم
بجد عيطت وقتها من نظره عينيه
دا مشهد انا عارفه قصدى شفته
قصدى عشته 
رايحه تقوله يبعد عنها
نفس الموقف بيمر تانى بس انا دورى اتغير
بقيت خطاف قلوب بقيت علاء الدين
طب ياترى اسكت ولا مسكتش
اشتريها و افوز بيها
ولا ارحم حبها المسكينه
جيت تانى يوم قابلتها و حكيتلها انى شفتها
لكن قبل ما تبكى وشوشتها ف ودنها
هتتجوزيه يا قمر انا مش خطاف قلوب
دبت ف وشها سعاده رهيبه
انفجرت باكيه ف حضنى طب اذاى بصوت حزين
قلتلها ابعتيهولى المكتب بكره
جالى الولد تانى يوم
بكى بين ايديا اما اديته الوظيفه
ساعدته بشويه فلوس
وحبه تكاليف للخطوبه
مسكتتش الا اما جوزتهم
كنت واقف ف فرحهم بكل حب مبتسم
اكنه فرحى انا بالظبط
قررت انسى بعدها الحب و الارتباط
بقيت بعدى ف الشوارع ماشى ابص ع البشر
تجينى لحظه احس فيها برعب من الحياه
قلبى بينقبض و عينى تدمع لوحدها
باقول ف سرى الحمد لله
وابص للسما و اقول بكره ربنا هيعوضنى خير
يهمس ف ودنى هاتف دا مجرد حلم
نهايتك ذى بدايتك و كل طريقك ضلمه
ببص للارض و اشوط طوبه برجلى
رجعت البيت يوميها مخنوق و حالتى ذفت
نمت ع سريرى و تانى يوم سمعت
الله يرحمك يا مودى ....
معلش مش هاقدر اكمل اصلى مت
| |
|
